"Sauthempton" yayda "Barselona"dan ayrılan Oriol Romeunu heyətinə cəlb edib.
QOL.az xəbər verir ki, bu barədə Premyer Liqa klubunun rəsmi saytı məlumat yayıb.
34 yaşlı futbolçu azad agent statusunda komanda ilə anlaşma imzalayıb. Müqavilə 2026-cı ilin iyun ayına qədər qüvvədə olacaq və tərəflərin razılığı ilə daha bir il uzadıla bilər.
Romeu "Sauthempton"un heyətində 2015–2022-ci illərdə çıxış edib və bu müddətdə komandanın aparıcı oyunçularından biri olub.
İspan futbolçu 2022-ci ildə "Sauthempton"dan ayrılaraq "Jirona"ya keçib, 2023-cü ilin yayında isə "Barselona"ya transfer olunmuşdu.
