Bu gün Azərbaycan millisi DÇ-2026-nın seçmə mərhələsi çərçivəsində 5-ci tur matçına çıxıb.
Tribunainfo.az xəbər verir ki, Ayxan Abbasovun komandası evdə İslandiya ilə qarşılaşır. Oyun saat 21:00-da başlayıb.
Komandamızın üzvlərindən Elvin Cəfərquliyev sözügedən görüşdə iştirak etməyəcək. O, yüksək hərarət səbəbindən millinin heyətindən çıxarılıb.
Azərbaycan millisi Fernandu Santuşun baş məşqçilik etdiyi dövrdə – sentyabrın 5-də İslandiya yığmasına səfərdə 0:5 hesabı ilə uduzmuşdu.
Qeyd edək ki, millimiz noyabrın 16-da Tofiq Bəhramov adına Respublika Stadionunda Fransanı qəbul edəcək. Oyun saat 21:00-da start götürəcək.
DÇ-2026, seçmə mərhələ, 5-ci tur
13 noyabr
D qrupu
21:00. Azərbaycan – İslandiya – 0:1 Birinci hissə)
Qol: Albert Qvüdmündsson, 20
Hakimlər: Nikola Dabanoviç, Vladan Todoroviç, Srcan Yovanoviç, Miloş Boşkoviç (Monteneqro)
VAR: Momçilo Markoviç (Serbiya)
AVAR: Aleksandar Jivkoviç (Sebiya)
Bakı, 8-ci km. stadionu
23:45. Fransa – Ukrayna
Tribunainfo.az
