Honq Konq polisi Tay Po rayonunda yaşayış kompleksində çox sayda insanın öldüyü yanğınla bağlı üç nəfəri saxlayıb.
APA xəbər verir ki, bu barədə HK01 nəşri məlumat yayıb.
Saxlanılanlar binalarda təmir işləri aparan tikinti şirkətinin iki direktoru və bir məsləhətçi-mühəndisdir.
Yanğında ölənlərin sayı 55-ə çatıb, daha 100 nəfər yaralanıb, 279 nəfər itkin düşüb.
***
03:23
Honq Konqda baş verən yanğın nəticəsində ölənlərin sayı 44-ə çatıb.
APA xəbər verir ki, “South China Morning Post” qəzetinin məlumatına görə, hadisə nəticəsində 279 nəfər itkin düşüb.
Qeyd edək ki, hadisə çərşənbə günü baş verib. Yanğın Vanq Fuk Kort yaşayış kompleksinin bütün səkkiz binasını əhatə edib.
***
22:33
Honq Konqda baş verən yanğın nəticəsində ölənlərin sayı 36-ya çatıb.
APA xəbər verir ki, yerli mətbuatın məlumatına görə, daha 279 nəfər itkin düşüb.
Onlarla insan xəsarət alaraq xəstəxanaya yerləşdirilib.
***
16:56
Honq Konqda yaşayış kompleksində yanğında ölənlərin sayı 13 nəfərə çatıb.
APA xəbər verir ki, bu barədə Çin mətbuatı məlumat yayıb.
Ölənlərdən biri yanğınsödürəndir.
Xəsarət alanların sayı isə 16 nəfərdir.
***
14:59
Honq Konqda yaşayış kompleksində baş verən yanğın 4 nəfərin həyatına son qoyub.
APA “Reuters”ə istinadən xəbər verir ki, xilasetmə tədbirləri davam etdirilir, lakin binaların içərisində qalan sakinlər var.
2 nəfərin vəziyyəti ağır qiymətləndirilir.
Yanğınsöndürənlərin içərisində də xəsarət alanların olduğu bildirilir.
Ölü və yaralı sayının artacağı gözlənilir.
