Demokrat.az saytından alınan məlumatlara görə, ain.az xəbər verir.
"Şalvar məsələsi artıq bir neçə ildir gündəmdədir. Dövlət ümumtəhsil məktəblərində şagirdlərin geyim forması Nazirlər Kabinetinin 17 mart 2022-ci il tarixli 96 nömrəli qərarı ilə təsdiqlənir.Həmin qərara əsasən, məktəbli forması dörd eskiz üzrə müəyyənləşdirilir. Hər bir eskizdə qızlar üçün klassik üslubda şalvar nəzərdə tutulur. Məktəb bu eskizlərdən birini seçir".Bu sözləri Demokrat.az-a açıqlamasında təhsil eksperti Elşən Qafarov deyib. O bildirib ki, seçilmiş eskizin tərkibində hansı elementlər göstərilibsə, forma da buna uyğun olmalıdır:"Bura klassik şalvar da daxildir. Məktəb rəhbərliyi, təşkilatçılar və sinif rəhbərləri bunu dəqiq bilməlidir. Söhbət əlavə cins şalvardan və ya digər qeyri rəsmi şalvarlardan getmir. Məktəbli formasında olan şalvar qanunvericiliyə uyğundur.
Burada diqqət edilməli məqam budur ki, nə məktəb direktorunun, nə də təhsil idarəsinin Nazirlər Kabinetinin qərarını dəyişmək və ya tətbiq etməmək səlahiyyəti yoxdur. Məsələnin mahiyyəti də bundadır".Ekspert deyib ki, əgər şagirdlər hava soyuqdur deyərək cins şalvar və ya forma tərkibinə daxil olmayan digər şalvarlar geyinirlərsə, bu qəbul edilməzdir və məktəb direktorunun müdaxilə haqqı var:"Əgər onlar eskizdə göstərilən klassik məktəbli şalvarını geyinirlərsə, məktəb buna qadağa qoya bilməz. Bu aydınlaşdırıldıqdan sonra məktəb direktorunun haqlı və ya haqsız olduğu dəqiq deyilə bilər. Əgər məktəbli formasına daxil olmayan şalvar geyinilirsə, direktor haqlıdır. Əgər məktəbli formasının bir hissəsi olan şalvar geyinilirsə və buna baxmayaraq qadağa qoyulursa, bu halda direktor haqsızdır. Bunun hansı instansiyaya aid edilməsi isə artıq müvafiq qurumların səlahiyyətinə daxildir".Qeyd edək ki, Bakıda 14 nömrəli məktəbdə qız şagirdlərə şalvar geyinməyi qadağan edib. Əfsanə Kamal
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
