Balıq alarkən diqqət edilməli ən vacib məqamlardan biri onun qarın hissəsinin vəziyyətidir. Mütəxəssislərin sözlərinə görə, qarın hissəsi şişkin, yumşaq və ya asanlıqla dağılırsa, həmin balığı almaq təhlükəlidir.
Milli.Az xəbər verir ki, məlumata əsasən, bu cür dəyişikliklər balığın artıq xarab olmağa başladığının göstəricisidir. Qarın boşluğundakı elastikliyin itməsi, kəskin və xoşagəlməz qoxu, eləcə də rəngin qaralması təravətin tam itməsi ilə əlaqələndirilir.
Ekspertlər bildirirlər ki, belə balıq təkcə dad baxımından yararsız deyil, həm də ciddi qida zəhərlənməsinə səbəb ola bilər. Buna görə də alış zamanı balığın:
qarın hissəsinin bərk və elastik olmasına,
tünd və selikli olmamasına,
kəskin qoxu yaymamasına,
gözlərinin şəffaf, solungaçlarının isə çəhrayı-qırmızı rəngdə olmasına xüsusi diqqət yetirilməlidir.
Fidan
Milli.Az
