Milli Şuranın üzvü Gültəkin Hacıbəyli Türkiyədə saxlanılıb.

Reyting.az xəbər verir ki, o, bu barədə “Facebook” hesabında paylaşım edib.

İstanbulda kirayədə yaşadığı evə hüquq-mühafizə orqanı əməkdaşlarının gəldiyini bildirən G. Hacıbəyli, polis bölməsinə aparıldığını yazıb.

Milli Məclisin keçmiş üzvü, Azərbaycan Xalq Cəbhəsi Partiyasının (AXCP) tərəfdarı G. Hacıbəyli Azərbaycana deportasiya olunacağını istisna etməyib.

Qeyd edək ki, ötən gün Dövlət Təhlükəsizliyi Xidməti (DTX) AXCP sədri Əli Kərimli və onun müşaviri Məmməd İbrahimin evində axtarış aparıb. Onların DTX-da Prezident Admistrasiyasının sabiq rəhbəri Ramiz Mehdiyevin cinayət işi üzrə dindirildikləri bildirilir.