Dünya ədəbiyyatının görkəmli simalarından biri, məşhur dramaturq və rejissor Tom Stoppard 88 yaşında dünyasını dəyişib.
Redaktor.az xəbər verir ki, sənətkar Britaniyadakı evində vəfat edib. Ölüm səbəbi barədə hələlik məlumat açıqlanmayıb.
Tom Stoppard teatr dünyasına “Arkadiya”, “Həqiqi şey”, “Utopiya sahili”, “Rozenkrans və Gildenştern ölüdür” kimi tarazlığı çətin tapılan klassik əsərlər bəxş edib. O, həmçinin məşhur “Aşiqlər Şekspiri” filminin ssenari müəllifi olub və bu işinə görə “Oskar” mükafatına layiq görülüb.
1997-ci ildə Stoppard Böyük Britaniyada rəsmi şəkildə “cəngavər” adına layiq görülüb. Onun yaradıcılıq üslubu o qədər unikaldır ki, Oksford ingilis dili lüğətinə dramaturqun adı ilə bağlı “stoppardian” sifəti daxil edilib.
