Sosial şəbəkələrdə qışın sərt keçəcəyi, güclü şaxtaların olacağı ilə bağlı iddialar yayılıb. Bəs bu iddialar nə dərəcədə doğrudur?
Milli Hidrometeorologiya Xidmətindən verilən məlumata görə, dekabrda havanın temperaturu noyabr ayına nisbətən aşağı olacaq.
Xidmətin proqnozlar bürosunun direktoru Gülşad Məmmədovanın sözlərinə görə, havanın orta aylıq temperaturu kiçik müsbət fərqlə iqlim normasına yaxın olacaq.
Gülşad Məmmədova qeyd edib ki, dekabrın 1-də Bakıda və Abşeron yarımadasında hava dəyişkən buludlu, əsasən yağmursuz keçəcək. Bölgələrdə isə havanın yağıntılı olması ehtimalı var. /Xəzər TV
