Qadın və kişi voleybolçular arasında Azərbaycan Yüksək Liqasında 5-ci tur start götürür.
Fanat.Az xəbər verir ki, bu gün 4 oyun keçiriləcək.
Kişilərin yarışında öncə “Azərreyl” “Nefçi” ilə üz-üzə gələcək. Azərbaycan Voleybol Federasiyasının idman zalında baş tutacaq qarşılaşma 16:00-da başlayacaq.
17:00-da “Xilasedici” “Murov Az Terminal”la münasibətlərinə aydınlıq gətirəcək. Bu görüş Fövqəladə Hallar Nazirliyinin idman zalında reallaşacaq.
“Abşeron” Olimpiya İdman Kompleksində isə “Gənclər” “Ordu” ilə gücünü sınayacaq. Bu matç da 17:00-a planlaşdırılıb.
Qadınların mübarizəsində isə bir oyun keçiriləcək. “DH Volley” “Gənclər”lə münasibətlərinə aydınlıq gətirəcək. Azərbaycan Voleybol Federasiyasının idman zalında keçiriləcək matç 18:00-da başlayacaq.
