Bakı şəhəri, Xətai rayonu, F.Bayramov küçəsində restoranda yanğın baş verib.
BAKU.WS xəbər verir ki, bu barədə Fövqəladə Hallar Nazirliyi (FHN) məlumat yayıb.
Əraziyə FHN-in Dövlət Yanğından Mühafizə Xidmətinin qüvvələri cəlb olunub.
Yanğınsöndürənlərin müdaxiləsi sayəsində restoranda baş vermiş yanğın genişlənməsinə imkan verilmədən qısa müddətdə söndürülüb.
Hadisə zamanı restoranın mətbəxində fri aparatı, ətrafındakı yağ qalıqları və havatəmizləyici qurğunun mühərriki yanıb.
Restoran yanğından mühafizə olunub.
***22:08
Bakıda restoranda baş verən yanğın söndürülüb.
BAKU.WS APA-ya istinadən xəbər verir ki, ilkin ehtimala görə, yanğın restoranın tüstü bacasından qaynaqlanıb.
***21:20
Bakıda restoranların birində yanğın başlayıb.
BAKU.WS APA-ya istinadən xəbər verir ki, hadisə paytaxtın Xətai rayonu, Fəzail Bayramov küçəsində yerləşən restoranda qeydə alınıb.
Hadisə yerinə Dövlət Yanğından Mühafizə Xidmətinin müvafiq qüvvələri cəlb olunublar.
