Yasamal rayonu, Əsəd Əhmədov 31E ünvanında yerləşən "Aviq MTK” yaşayış kompleksinə məxsus binada ciddi problemlər yaşanır.
Bu barədə sakinlər Bakues.az-a şikayət məktubu göndəriblər.
Onların sözlərinə görə, yaşayış binasının damın sıradan çıxması səbəbindən yağış suları sonuncu mərtəbələrə və mənzillərə dolur.
Sakinlər iddia edirlər ki, MTK binaya nəzarət etmir və yaranmış problemlərə müdaxilə olunmur.
Belə ki, MTK rəhbəri Əsgərov Əliyar yalnız pul yığmaqla məşğuldur, binanın damı baxımsız vəziyyətdədir, fasad uçub, liftlər isə uzun müddətdir işləmir. Bundan başqa, binada təhlükəsizlik qaydalarına əməl olunmur.
Ərazidən çəkilən görüntülər də vəziyyətin nə qədər ağır olduğunu göstərir.
İrəli sürüən iddialarla bağlı qarşı tərəfin mövqeyini dərc etməyə hazırıq.
