ain.az, Olke.az portalına istinadən məlumat yayır.
Astara rayonu ərazisində Xəzər dənizində iki nəfərin itkin düşməsi barədə ilkin məlumat daxil olub.
Bu barədə Ölkə.az-a FHN-nin mətbuat xidmətindən məlumat verilib.
Bildirilib ki, dərhal FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub və aidiyyəti qurumlar məlumatlandırılıb.
Hazırda itkin düşdüyü ehtimal olunan şəxslərin axtarışları davam etdirilir.
İtkin düşən 1997-ci il təvəllüdlü Turan Həsənov və 1999-cu il təvəllüdlü Ağadədə Həsənovun qohum olduqları bildirilir.
Qeyd olunur ki, balıqçılar Şahağac kəndi ərazisindən balıq tutmaq üçün dənizə çıxıblar.
Ən son xəbərləri və yenilikləri almaq üçün ain.az saytını izləyin.
