Səudiyyə Ərəbistanının “Əl-İttihad” klubunun hücumçusu Kərim Benzemanın klubdakı gələcəyi sual altına düşüb.
QOL.az xəbər verir ki, Ərəbistan təmsilçisinin hazırkı müqaviləsi 2026-cı ilin iyununa qədər qüvvədə olan futbolçuyla danışıqlar aparmadığı məlum olub. Mətbuatda müqavilənin uzadılacağı barədə şayiələr gəzsə də, fransalı forvardın klubdan hələ rəsmi təklif almadığını bildirilir.
Qeyd edək ki, 2023-cü ildə “Real Madrid”dən azad agent kimi transfer olunan Benzema bu mövsüm yüksək məhsuldarlıq nümayiş etdirir. O, bütün turnirlərdə meydana çıxdığı 12 oyunda 11 qol vurub.
