Bakı, 12 dekabr, AZƏRTAC
2025-ci ilin yanvar-noyabr aylarında əhaliyə göstərilən ödənişli xidmətlərin dəyəri 2024-cü ilin müvafiq dövrü ilə müqayisədə real ifadədə 8,9 faiz artaraq 13 milyard 233,4 milyon manat olub.
Dövlət Statistika Komitəsindən AZƏRTAC-a bildirilib ki, hüquqi şəxslər tərəfindən əhaliyə 9975,6 milyon manatlıq xidmət göstərilib. Bu, xidmətlərin ümumi dəyərinin 75,4 faizini təşkil edib.
2025-ci ilin yanvar-noyabr aylarında hər bir ölkə sakini orta hesabla 1292 manatlıq və ya 2024-cü ilin yanvar-noyabr ayları ilə müqayisədə nominal ifadədə 175,4 manat çox müxtəlif ödənişli xidmətlərdən istifadə edib.
