Bakı, 25 dekabr, AZƏRTAC
İstanbul Baş Prokurorluğunun apardığı narkotik araşdırması çərçivəsində saxlanılan “Fənərbağça”nın prezidenti Sadəttin Saran sərbəst buraxılıb.
AZƏRTAC Türkiyə mətbuatına istinadla xəbər verir ki, funksioner məhkəmə nəzarəti altında azadlığa çıxıb.
Qeyd edək ki, Türkiyədə istintaq çərçivəsində Sadəttin Saranla yanaşı, bir sıra sənət adamları da saxlanılıb.
