Azərbaycanın Xarici İşlər naziri Ceyhun Bayramov 2025-ci ilin yekunlarına həsr olunmuş mətbuat konfransında Azərbaycanın xarici ölkələrlə gediş-gəlişin sadələşdirilməsi istiqamətində gördüyü işlər barədə məlumat verib.
"Yeni Sabah" xəbər verir ki, nazir bildirib ki, Azərbaycan vətəndaşlarının xarici ölkələrə səfərlərinin asanlaşdırılması məqsədilə qarşılıqlı addımların atılması nəzərdə tutulur və bu istiqamətdə aparılan fəaliyyətlər hazırda təhlil mərhələsindədir. Onun sözlərinə görə, hazırda 5 ölkə ilə bu sahədə danışıqlar və işlər davam etdirilir.
Ceyhun Bayramov qeyd edib ki, 2026-cı ildə Azərbaycan vətəndaşlarının sadələşdirilmiş və ya vizasız gediş-gəliş imkanına malik olduğu ölkələrin sayının artırılması planlaşdırılır. O,vurğulayıb ki, proses qarşılıqlı prinsiplər əsasında həyata keçiriləcək və həm vizasız, həm də sadələşdirilmiş viza rejimlərinin tətbiqi nəzərdə tutulur.
XİN rəhbəri əlavə edib ki, bu istiqamətdə atılan addımlar və əldə ediləcək nəticələr ölkələr arasında əlaqələrin genişlənməsinə və vətəndaşların səyahət imkanlarının artırılmasına xidmət edəcək.
İlhamə Qasımlı
Telegram kanalımız
