Brüssel hava limanında tətillər səbəbindən bu il 2395 uçuş ləğv edilib. Belçika mətbuatında yer alan xəbərlərə görə, Brüssel hava limanı bu il tətillərdən mənfi təsirlənib.

İl ərzində həmkarlar ittifaqlarının tətilləri səbəbindən Brüssel hava limanının fəaliyyəti yeddi dəfə dayandırılıb və 2395 uçuş ləğv edilib. Bu uçuşların ləğvi 330 mindən çox sərnişinə təsir edib.
Ləğvlərin Belçika iqtisadiyyatına təxminən 175 milyon avroya başa gəldiyi təxmin edilir.

Belçika hökumətinin sosial xərclərin azaldılması və qənaət tədbirləri həmkarlar ittifaqları tərəfindən kəskin tənqid olunur.

Bu kontekstdə, Belçikada il ərzində dəfələrlə tətillər baş verib və bəzən ölkədə həyatı dayandırıb.

aia.az
Tərcümə şöbəsi

• Hava Limanı
• Ləğv
• Uçuş
• Brüssel
• Tətillər