İngiltərənin “Everton” klubu “Qalatasaray”ın futbolçusu Yunus Akgün üçün rəsmi təklif göndərib.
Fanat.Az xəbər verir ki, Premyer Liqa təmsilçisi 24 yaşlı hücumameyilli yarımmüdafiəçi üçün İstanbul klubuna 25 milyon avro təklif edib.
“Qalatasaray” rəhbərliyi isə bu təklifə mənfi cavab verib. Klub Yunus Akgünün satılmayacağını qarşı tərəfə bildirib.
Türkiyə çempionu gənc oyunçunun komandadakı rolundan razıdır və onunla yoluna davam etməyi planlaşdırır. Yunus Akgünün də hazırda “Qalatasaray”da qalmağa müsbət yanaşdığı qeyd olunur.
Qeyd edək ki, məlumat “Transfermarkt” tərəfindən yayılıb.
Kamil Xudiyev
