ABŞ-də İmmiqrasiya və Gömrük Mühafizəsinin (ICE) əməkdaşı Minneapolis şəhərində 37 yaşlı qadını güllələyərək öldürüb.
Yeniavaz.com BBC-yə istinadla xəbər verir ki, Tramp administrasiyası bunu özünümüdafiə adlandırıb.
Daxili Təhlükəsizlik Departamenti bildirib ki, Rene Nikol Qud adlı ABŞ vətəndaşı avtomobilini ICE agentlərinin üzərinə sürüb.
Minneapolis meri Ceykob Frey isə bildirib ki, ICE agenti səlahiyyətindən istifadə edərək günahsız qadının ölümünə səbəb olub. O, təhqiramiz ifadələrlə ICE rəsmilərini şəhəri tərk etməyə çağırıb.
Hadisədən sonra şəhərdə yüzlərlə insan etiraz aksiyası keçirib və ICE ilə qarşıdurmalar yaşanıb.
