Ukraynada Britaniya qoşunlarının mümkün yerləşdirilməsi məsələsi gələcək sülh razılaşması ətrafında gedən müzakirələr fonunda yenidən Qərbin diqqət mərkəzinə düşüb.
Bizim.Media xəbər verir ki, bu barədə The Telegraph yazıb.
Mənbə qeyd edir ki, London Fransa və ABŞ-la birlikdə atəşkəsə riayət olunmasını təmin edəcək ssenarilər üzərində işləyir, lakin Rusiya ilə birbaşa toqquşmaya yol vermədən.
Tarixi presedent mövcuddur. 1999-cu ildə Kosovoda Britaniya və Rusiya qoşunları silahlı qarşıdurmanın bir addımlığında idi. Lakin britaniyalı general ser Mayk Cekson NATO-nun əmrini yerinə yetirməkdən imtina edərək demişdi: “Cənab, sizin xatirinizə Üçüncü dünya müharibəsini başlatmaq niyyətində deyiləm”. Qarşıdurma atəş açılmadan bitmişdi.
Bu gün isə vəziyyət xeyli mürəkkəbdir: Ukrayna neytral ərazi deyil və Rusiya artıq tammiqyaslı müharibə aparır.
Bu, klassik sülhməramlılar deyil
London Kral Kollecinin hərbi tədqiqatlar üzrə fəxri professoru Lourens Fridmanın sözlərinə görə, söhbət BMT-nin “mavi dəbilqəli” ənənəvi sülhməramlı missiyalarından getmir.
Burada “cilovlama qüvvələri” nəzərdə tutulur — Avropa qoşunları, hansı ki, onların mövcudluğu Rusiyanın istənilən hücumunu avtomatik olaraq Qərblə münaqişəyə çevirəcək.
Fridman vurğulayır: “Döyüşməyə hazır olmalısan. Əks halda bu barədə danışmağın mənası yoxdur”.
UİNİAN-ın məlumatına görə, sülh razılaşması bağlanarsa, Böyük Britaniya və Fransa Ukraynaya əvvəl gözləniləndən daha az — təxminən 15 min hərbçi göndərəcək. Əvvəlcə 64 min nəfərlik “istəkli koalisiya” çərçivəsində 10 min britaniyalı əsgərin göndərilməsi təklif olunsa da, Britaniya ordusunun mövcud sayı bunu mümkünsüz edib.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
