ain.az, Qol.az saytından verilən məlumata əsaslanaraq xəbər yayır.
Messiyə sensasiyalı təklif
Səudiyyə Ərəbistanının “Əl-İttihad” klubunun prezidenti Ənmar Əl-Xaili Lionel Messiyə sensasiyalı təkliflə çıxış edib.
QOL.az xəbər verir ki, argentinalı hücumçunu klubunda görmək istədiyini açıq şəkildə bildirən funksioner Messiyə istənilən məbləğ və istənilən müddətə - hətta ömürlük müqavilə təklif etməyə hazır olduğunu deyib:
“Əgər Messi "Əl-İttihad"la müqavilə imzalamağa razılaşsa, ona elə bir müqavilə təklif edəcəyəm ki, istədiyi məbləği özü yazsın, istədiyi müddətə - hətta ömürlük. Mənim üçün pulun heç bir əhəmiyyəti yoxdur. Sadəcə, Messini klubumda görmək istəyirəm. Bu isə futbol tarixinin ən böyük oyunçusunun komandamızda olması deməkdir”, - deyə Əl-Xaili Səudiyyə Ərəbistanə mediasına müsahibəsində bildirib.
Qeyd edək ki, hazırda MLS-də “İnter Mayami”nin formasını geyinən Lionel Messi ötən mövsüm bütün turnirlərdə 49 matçda 43 qol vurub və 26 məhsuldar ötürmə edib.
Ən son xəbərləri və yenilikləri almaq üçün ain.az saytını izləyin.
