Azərbaycanın tanınmış xanəndəsi, Əməkdar müəllim Qəzənfər Abbasov İrandan Bakıya gələrkən hava limanından tələbəsi və yaxın dostunun İran Prezidenti Məsud Pezeşkianla çəkdirdiyi fotolar sayəsində geri qayıda bilib.
Ölkə.az xəbər verir ki, Oxu.Az-a açıqlamasında xanəndə bildirib ki, onun keçməsinə köməklik göstərən tələbəsi Nasir Ətəfur və dostu Həbib Şiri Azərdir.
Qəzənfər Abbasov qeyd edib ki, Həbib Şiri Azər Tarix İnstitutunu bitirib və həmçinin, o, qazidir.
O bildirib ki, İran prezidenti hakimiyyətə gələn zaman onları qəbul edib.
Həmin fotoları təqdim edirik:
Fotoda sağ tərəfdə Həbib Şiri Azər, sol tərəfdə isə Nasir Ətəfur
Xatırladaq ki, Azərbaycanın tanınmış xanəndəsi, Əməkdar müəllim Qəzənfər Abbasovun İrandan Bakıya gələrkən hava limanında saxlanılması ilə bağlı məlumatlar yayılıb.
