Hindistan ordusunun ekstremal ekspedisiya bölməsi bir gündə ən genişmiqyaslı Everest fəthini reallaşdıraraq dünya rekorduna imza atıb.
AFN.az xarici mediaya istinadən xəbər verir ki, 22 hərbi alpinist və 27 şerpanın dəstəyi ilə ekspedisiya 27 may 2025-ci il tarixində Cənub Çökəkliyi (South Col, 7 906 m) marşrutu üzrə Everestin (8 848,86 m) zirvəsinə qalxıb. Ekspedisiya hava şəraitinin sabit olduğu vaxtda reallaşıb. Seven Summit Treks şirkətinin təşkilatçılığı ilə həyata keçirilən bu fəth “dəqiq planlaşdırma, mərhələli aklimatizasiya və düşərgələrarası koordinasiyalı hərəkət” nəticəsində mümkün olub.
Rekord Hindistanın Everestə ilk hərbi alpinist çıxışının 25 illiyini qeyd etdiyi il baş tutub və Nepal ilə Hindistan arasındakı uzunmüddətli Himalay alpinizmi əməkdaşlığının nümunəsi olub. Ekspedisiya ciddi insidentlər olmadan tamamlanıb.
Baş koordinator nepallı şerpa Kami Rite olub; o, artıq Everestə ən çox çıxış (31 dəfə) edən şəxs kimi dünya rekorduna malikdir. Qeyd edək ki, 29 yaşlı Tashi Gyalsen isə 15 gün ərzində eyni mövsümdə dörd dəfə Everestə qalxaraq tarixə düşüb (9, 14, 19 və 23 may 2025).
