ABŞ-da yayılan mübahisəli “40 gizli sirr” siyahısı ölkənin siyasi, hüquqi və maliyyə strukturlarına dair geniş ictimai müzakirələrə yol açıb. Siyahıda yer alan iddialar Amerikanın suverenliyinin tarixi boyunca formal şəkildə mövcud olub‑olmaması, dövlət institutlarının xarici təsirlərə məruz qalıb‑qalmaması və vətəndaşların hüquqi statusu ilə bağlı ciddi suallar ortaya çıxarır. Mütəxəssislər bu iddiaları əsassız saysalar da, siyahının sürətlə yayılması mövzunu geniş auditoriyanın diqqətinə gətirib.
Redaksiya xəbər verir ki, siyahıda yer alan müddəalar müasir ABŞ idarəçiliyinin guya qaranlıq hüquqi konstruksiyalar üzərində qurulduğunu iddia edən çevrələr tərəfindən “Modern köləliyin 40 sütunu” kimi təqdim olunur və ictimaiyyətə ölkənin hüquqi təməllərini yenidən düşünmək çağırışı kimi şərh edilir.
Mübahisəli siyahı əvvəlcə internet platformalarında yayılıb və hazırda geniş auditoriya tərəfindən müzakirə olunur. İddialar tarixi hadisələrin yenidən şərhindən tutmuş dövlət institutlarının xarakterinə qədər müxtəlif istiqamətləri əhatə edir. Siyahının tam mətnində irəli sürülən 40 bənd aşağıdakı kimidir:
- ABŞ-ın Böyük Britaniyadan faktiki müstəqillik əldə etmədiyi, İstiqlal Müharibəsinin saxtakarlıq olduğu iddia edilir.
- ABŞ-ın əslində Britaniya koloniyası olaraq qaldığı bildirilir.
- İngiltərə kralının İstiqlal Müharibəsinin hər iki tərəfini maliyyələşdirdiyi iddia olunur.
- ABŞ məhkəmələrindəki bayraqlara vurulan qızılı haşiyənin ölkənin Britaniya tərəfindən dəniz admiralitet hüququ əsasında idarə edildiyini simvolizə etdiyi iddia olunur.
- 1789-dan bəri ABŞ-da məhkəmələrin mövcud olmadığı, hakimlərin yalnız icraedici administrator funksiyası daşıdığı bildirilir.
- 1789-dan sonra ABŞ-da hakim deyil, yalnız inzibati administratorların olduğu iddia edilir.
- ABŞ-ın ən güclü məhkəməsinin Ali Məhkəmə deyil, Pensilvaniya Ali Məhkəməsi olduğu iddia olunur.
- Hüquqi yaşa çatmış şəxsin vəkil tutması ilə onun avtomatik olaraq məhkəmə tərəfindən “qeyri-qabil” sayıldığı və istənilən zaman psixi müəssisəyə göndərilə biləcəyi iddia edilir.
- Vətəndaşların özlərini Konstitusiya ilə müdafiə edə bilməyəcəyi, çünki onun tərəfi sayılmadıqları iddia olunur.
- “Xalq” anlayışının adi vətəndaşları əhatə etmədiyi bildirilir.
- Vətəndaşların heç bir əmlaka sahib olmadığı, əmlak sənədlərində onların “icarədar” kimi göstərildiyi qeyd olunur.
- Hətta uşaqların belə valideynə məxsus olmadığı, doğum şəhadətnaməsində ananın “məlumatçı” (informant) kimi yazıldığı bildirilir.
- Corc Vaşinqtonun əyalətləri masonik kvadratların bölgü prinsipi ilə ayırdığı iddia olunur.
- ABŞ-ın quruluşunun mason ritualları əsasında layihələndirildiyi qeyd edilir.
- ABŞ-da artıq dövlət qurumunun mövcud olmadığı, buna görə heç kimin dövlət çalışanı sayıla bilməyəcəyi iddia edilir; 18 USC 914 istinad edilir.
- Boston Çay Partiyasının Şimali Amerikanın yerli tayfalarına qarşı düşmənçiliyi artırmaq üçün ilk “saxta bayraq” əməliyyatı olduğu iddia olunur.
- Birinci və İkinci Dünya müharibələrinin və Böyük Depressiyanın səbəblərinin saxta olduğu, 1930-cu illərdə ABŞ-ın Almaniyanın infrastrukturunu və nasist hərəkatını maliyyələşdirdiyi iddia edilir.
- Kredit vermənin (əsli: borc) mənşəyinin müqəddəs mətnlərdə “sələmçilik” (lending) kimi qadağan olunduğu (çünki Yevangeliyada faizsiz borc olaraq keçir), lakin hazırda onun əvəzinə istifadə edilən “mortgage” (latın: mort-gage) sözünün isə “ölüm girovu” mənasına gəldiyi bildirilir.
- Federal Ehtiyat Sisteminin (FED) qanuni şəkildə ratifikasiya olunmadığı və özəl korporasiya olduğu iddia edilir.
- Vergi Xidməti IRS-in ABŞ qurumu deyil, BVF qurumu olduğu bildirilir.
- 1040 vergi formasının Britaniyaya ödənən xərac olduğu iddia edilir; IRS 6209-a istinad olunur.
- BVF-nin BMT agentliyi olduğu qeyd edilir.
- ABŞ-ın 1921-dən bəri Xəzinədarlığının olmadığı iddia olunur.
- ABŞ Xəzinədarlığının BVF-lə əvəz edildiyi bildirilir.
- ABŞ-ın NSA, FCC, CIA, FAA, FBI, IRS və digər qurumlarının federal hökumətə aid olmadığı iddia edilir.
- Sosial təminat nömrələrinin (SSN) BVF tərəfindən verildiyi iddia olunur; SS‑5 forması göstərilir.
- GATT sənədinə görə Sosial Təminat nömrəsinin (SSN) məcburi olduğu iddia edilir.
- Sosial Təminatın sığorta və ya müqavilə olmadığı bildirilir.
- Sosial Təminat ödənişlərinin birbaşa BVF-dən gəldiyi iddia edilir.
- Polis orqanlarının vətəndaşı qorumaq öhdəliyinin olmadığı, korporasiyanı qoruduqları iddia edilir.
- ABŞ-da yollar, körpülər, məktəblər, su sistemi və digər infrastrukturun “satıla bilən aktivlər” olduğu bildirilir.
- BMT-nin 50 ildən çoxdur ABŞ-ın fəaliyyətini maliyyələşdirdiyi və hər bir vətəndaşın sahibinə çevrildiyi iddia olunur.
- Nyu-York şəhərinin Federal Qaydalar çərçivəsində BMT olaraq tanındığı iddia edilir. Buna görə də Rudolf Giuliani C-SPAN TV-də Nyu-Yorkun dünyanın paytaxtı olduğunu bildirib. Nyu-York şəhəri/BMT Yeni Dünya Nizamının (NWO) paytaxtı/idarəetmə orqanıdır.
- Vaşinqton, London və Vatikanın üç suveren şəhər-dövlət kimi Yeni Dünya Nizamının sütunları olduğu bildirilir.
- Britaniyanın Vatikanın mülkiyyəti olduğu iddia edilir.
- Papanın ABŞ-da istənilən qanunu ləğv edə biləcəyi iddia olunur.
- Papa XVI Benediktin 07.07.2009 tarixli məktubunda Yeni Dünya Nizamı çərçivəsində “qlobal siyasi hakimiyyət” çağırışı etdiyi qeyd edilir.
- İddia olunur ki, 21 may 2008-ci il, çərşənbə günü Barak Obama və Hillari Klinton gizli şəkildə Bilderberq Qrupu kimi tanınan dünyanın ən güclü 130 elitasının iştirak etdiyi qapalı illik görüşdə iştirak etdilər. Onlar əsasən bütün dünyaya sahib olan beş, altı və ya yeddi şirkətə sahibdirlər.
- ABŞ vətəndaşlarının doğum şəhadətnamələri vasitəsilə “insan girovu və ticarət vahidi” kimi dünya bank sisteminə (FTC (Federal Trade Commission)) bağlandığı iddia edilir; 13037 saylı Sərəncama istinad edilir.
- BVF və Dünya Bankının hər bir insanın dəyərini ömürlük vergi potensialı ilə hesablayaraq qlobal maliyyə nəzarəti formalaşdırdığı iddia edilir.
Siyahının məzmunu tarixi hadisələrin alternativ şərhləri və hüquqi-anlayış konstruksiyaları ilə zəngindir. Ekspertlər bunun dezinformasiya xarakteri daşıdığını bildirsələr də, siyahının sosial şəbəkələrdə geniş yayılması ictimaiyyət arasında ciddi rezonans yaratmış və siyasi‑hüquqi debatları gücləndirmişdir.
