“Qarabağ” 6328 gündən sonra bu aqibəti yaşadı

Premyer Liqanın 17-ci turunda “Kəpəz”ə uduzmuş (0:2) “Qarabağ”ın ev oyunundakı uğursuz seriyası 14 ildən sonra təkrarlanıb.

Arena.az xəbər verir ki, 2011/2012-ci illər mövsümündə – 2012-ci il aprelin 22-də “Bakı” səfərdə “köhlən atlar”ı 4:2 hesabı ilə üstələyib.

Həmin görüşdən 5025 gün sonra “Kəpəz” eyni fərqlə qələbə qazanıb.

Ağdam təmsilçisinin çempionatdakı ev oyununda qol vurmadan iki və ya daha çox top buraxması isə Qurban Qurbanovun komandadakı debüt mövsümündə yaşanıb.

2008/2009-cu illər mövsümündə – 2008-ci il sentyabrın 27-də “Simurq” rəqibini 2:0 hesabı ilə məğlub edib. “Kəpəz” 17 il əvvəlki həmin nəticəni 6328 gündən sonra təkrarlayıb.

Xatırladaq ki, “Qarabağ” Premyer Liqanın 2025/2026-cı illər mövsümündə keçirdiyi 17 oyunda 11 qələbə qazanıb, 3 heç-heçə edib, 3 məğlubiyyətə üzülüb. Komanda 36 xalla ikinci pilədə qərarlaşıb.