Bilindiyi kimi, ötən tur “Zaqatala”nı məğlub edən “dənizçilər” “Şəfa”nın “Baku Sportinq”lə heç-heçə etməsi səbəbindən birinci pilləylə aradakı xal fərqini 6-ya endirdi. Komanda bu dəfə də qələbə qazansa, hədəfə doğru inamlı addım atmış olacaq.
Vacib matçdan əvvəl düşərgədəki vəziyyət haqda məlumat almaq məqsədilə “dənizçilər”in baş məşqçisi Adil Şükürovla əlaqə saxladıq. Onun “Football-plus.az”a cavabı:
“Turnirin liderinə qaşı oynayacağıq. Komandam oyuna məsuliyyətlə hazırlaşır. Bizi maraqlı matç gözləyir. Kapitan Yusif Nəbiyev, Zahir Mirzəzadə və hücumçu Emil Qasımov zədəlidi. Emil ötən tur “Zaqatala”ya qarşı oyunda sıradan çıxdı. Qalan hər kəs hazırdı. Oyunun başlama saatını gözləyirik. Ağır matç olacaq. Çox ciddi rəqibə qarşı oynayacağıq”.
KƏNAN BAHADIR
