ain.az bildirir, Azertag portalına istinadən.
Astana, 14 fevral, AZƏRTAC
Qazaxıstanın yeni Konstitusiyasının layihəsində “vahid Qazaxıstan xalqı” ifadəsi istifadə olunur, bu ölkədə yaşayan 100-dən çox etnos və təxminən 20 konfessiyanın birliyini qanunvericilik səviyyəsində təsbit edir.
AZƏRTAC “Kazinform”a istinadən xəbər verir ki, bu barədə Konstitusiya Məhkəməsinin sədr müavini Bakıt Nurmuxanov bildirib.
Bundan əlavə, Konstitusiyada ilk dəfə olaraq qədim Qazaxıstan torpağında minillik dövlətçiliyin ardıcıllıq yolu ilə keçməsi vurğulanıb.
Konstitusiya İslahatları Komissiyası yanvarın 21-də yaradılıb və 12 açıq iclas keçirib. Fevralın 11-də komissiya yeni Konstitusiyanın yekun layihəsini Qazaxıstan Respublikasının Prezidentinə təqdim edib. Dövlət başçısı 2026-cı il martın 15-də ümumxalq referendumunun keçirilməsi haqqında Fərman imzalayıb.
Elşən Rüstəmov
AZƏRTAC-ın xüsusi müxbiri
Astana
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
