Qusarda yerləşən hoteldə meyit tapılıb.
Tribuna.az xəbər verir ki, Qaynarinfo-nun məlumatına görə, hadisə fevralın 13-ü saat 14.00 radələrində Çiləgir kəndində yerləşən “Chateau” hotelində baş verib.
1957-ci il təvəllüdlü Ukrayna vətəndaşı Boris Merzlyakovun meyiti hotel otağında aşkarlanıb. Meyitin üzərində zorakılıq əlamətləri müşahidə edilməyib. Şəxsin ölüm səbəbi hələlik məlum deyil. Faktla bağlı Qusar Rayon Prokurorluğunda araşdırma aparılır.
Əldə etdiyimiz məlumata görə, dünyasını dəyişən şəxs manual terapevti Dr. Merzlyakov Boris Aleksandroviçdir. O, Azərbaycanda bir sıra özəl xəstəxanalarda çalışıb.
Qeyd edək ki, Boris Merzlyakovun ölümü ilə bağlı ilk məlumatı bizim.media-ya yayıb.
