ain.az, sport24.az portalına istinadən məlumat verir.
"Oyun bizim üçün pis getmirdi. "Sabah"ın gücünü bilirdik, rəqib Premyer Liqanın lideridir. Keyfiyyətli futbolçular var. İkinci hissədə qol vursaq da, ofsayt səbəbindən sayılmadı". Bu sözləri Sport24.az-a açıqlamasında "Kəpəz"in futbolçusu Əli Səmədov deyib."Sarı-göylər"in kapitanı Misli Premyer Liqasının XXI turunda "Sabah"a 0:1 hesabı ilə məğlub olduqları oyun barədə fikirlərini bölüşüb:"Son dəqiqələrdə diqqətsizlikdən qapımızda qol gördük. Liqada qalmaq özümüzdən aslıdır. Biz turnir cədvəlinin daha yuxarı pillələrində qərarlaşmaq istəyirik. Elitada qalmağı hələ qaranti eləməmişik. "Sumqayıt"la oyuna 3 xal üçün çıxacayıq. Komandamıza inanıram. Doğma meydanımız olmasa da, Yevlax şəhər stadionunda oynayacağıq. Yəni, "Sumqayıt" səfərə gəlmiş olacaq. Əsas rəqiblərimizin bir-biri ilə oyunu var. Bizə mütləq qələbələr lazımdır".
Qeyd edək ki, 21 turdan sonra aktivində 13 xal olan "Kəpəz2 turnir cədvəlinin 11-ci pilləsində qərarlaşıb.
Sonrakı hadisələr barədə daha çox məlumat almaq üçün ain.az saytını izləyin.
