ain.az, Olke.az saytından verilən məlumata əsaslanaraq xəbər yayır.
Xəbər verdiyimiz kimi, Bakının Sabunçu rayonunda yaşayan Yevlax rayon sakini Abbasov Rövşən Yusif oğlu "188” Yükdaşıma və Evakuasiya Xidmətindən şikayətçidir.
Ölkə.Az xəbər verir ki, Sitat.info-ya müraciət edərək problemini ictimailəşdirməyə çalışan Rövşən Abbasov 1 ildir ki, çalışdığı "188" Yükdaşıma Xidmətindən əmək haqqını ala bilmir.
Məsələ ilə bağlı şirkətdən Abbasov Rövşən Yusif oğluna 3 aylıq əməkhaqqının verilmədiyini təsdiqlədilər.
Xanım əməkdaş bildirib ki, vergi borcuna görə şirkətin bank hesabına sərəncam qoyulduğundan işçilərin maaşlarının ödənilməsi gecikir: "188” Yükdaşıma və Evakuasiya Xidməti "Azcargo" MMC-yə daxildir. Hazırda "Azcargo" MMC-nin hesabında borca görə sərəncam var, 7-10 gün ərzində əməkhaqqını ödməyə çalışacağıq. Bu barədə sizə ətraflı məlumat da verəcəyik".
Qeyd edək ki, Vergilər Nazirliyinin rəsmi saytında olan məlumata görə, "188" Yükdaşıma Xidmətinin də daxil olduğu "Azcargo" MMC-nin ümumilikdə 110 min manata yaxın vergi borcu var.
Daha ətraflı məlumat və yeniliklər üçün ain.az saytını izləyin.
