ain.az bildirir, Azertag saytına əsaslanaraq.
Bakı, 2 mart, AZƏRTAC
Yaxın Şərqdəki vəziyyət Ukraynaya silah çatdırılmasını gecikdirə və Rusiyaya əlavə büdcə gəliri təmin edə bilər.
AZƏRTAC xəbər verir ki, bu barədə politoloq, professor Katajina Pisarska Polşanın PAP xəbər agentliyinə bildirib.
Pulaski Fondunun həmtəsisçisi və Şurasının sədri, professor Katajina Pisarska İrandakı münaqişənin Ukraynaı müharibəsinə təsiri ilə avropalılardan da yan keçməcəyini bildirib. Ekspertin izah etdiyi kimi, ukraynalılar hazırda “Patriot” raketlərinə çıxış olmadan özlərini müdafiə edə bilmirlər. Ukraynanın hazırda aldığı batareyalar avropalılar tərəfindən NATO sistemi çərçivəsində ABŞ-dən alınır. “Münaqişə şiddətləndikcə, “Patriot” batareyaları da daxil olmaqla Amerika sursat ehtiyatları sürətlə tükənir və onları bərpa etmək çox çətindir. Bu o deməkdir ki, Ukrayna bu batareyaların alınması üçün prioritet siyahıda daha da aşağı düşəcək”, - deyə professor Pisarska qeyd edib.
“ABŞ və İsrailin hücumlarının təkcə İrandakı nüvə və hərbi obyektləri hədəfə almaması, həm də ölkə rəhbərliyinə birbaşa hücum etməsi Rusiyanın maraqlarına cavab vermir” – deyə ekspert qeyd edib. Bununla belə, o əlavə edib ki, qarşıdakı həftələrdə münaqişənin uzanması neft və qaz qiymətlərinin yüksəlməsi səbəbindən Rusiyanın büdcəsinin artması demək olacaq. Son aylarda Rusiyanın bəzi ikincidərəcəli sanksiyaların tətbiqi səbəbindən qazıntı yanacaq gəlirləri azalır, bu xammalın qiymətləri isə düşür. “Tələbat artdıqca, bir çox istehlakçı yenidən Rusiyaya üz tutacaq”.
Uzunmüddətli perspektivdə Yaxın Şərqdəki münaqişənin nəticələri Ukrayna tərəfindən daha kəskin hiss olunacaq.
Ən son xəbərləri və yenilikləri almaq üçün ain.az saytını izləyin.
