Müəllif:Mehin Qasımova,Banco.az
ABŞ-İsrail İrana birgə hücumlarından sonra qlobal enerji təchizatı üçün vacib olan Hörmüz boğazında tanker daşımaları əsasən dayandı və bu da Avropa qaz qiymətlərinin gün ərzində 48%-ə qədər artmasına səbəb oldu.
Banco.az xəbər verir ki, Avropada qaz qiymətləri bu gün əvvəlki bağlanış qiyməti ilə müqayisədə 48 faiz artıb.
İrandan buraxılan pilotsuz təyyarənin Qətərin Ras Laffan Sənaye Şəhərindəki Qətər Enerji Təsisatını hədəf almasından sonra şirkət mayeləşdirilmiş təbii qaz (LNG) istehsalını dayandırdığını açıqlayıb. Bu, qlobal LNG təchizatı ilə bağlı narahatlıqlar yaradıb və qiymətlərə də təsir edib.
Fars körfəzinin mənsəbində yerləşən Hörmüz boğazı, Yaxın Şərqdəki neft və mayeləşdirilmiş mayeləşdirilmiş təbii qaz istehsalını Ərəbistan dənizi və Hind okeanı vasitəsilə dünya bazarlarına bağlayır.
Dünyanın mayeləşdirilmiş təbii qaz ixracatının təxminən 20%-i bu strateji boğazdan keçir. Ən böyük ixracatçılardan biri olan Qətərin demək olar ki, bütün mayeləşdirilmiş təbii qaz ixracatı boğaz vasitəsilə beynəlxalq müştərilərə çatır. Hörmüz boğazından keçən mayeləşdirilmiş təbii qaz ticarətinin əksəriyyəti Asiyadakı alıcılara, əsasən Çinə gedərkən, qlobal qaz bazarlarında tədarükdə potensial fasilələr, xüsusən də Avropada qiymətlərə yuxarı təzyiq göstərir.
Avropanın qaz anbarlarının tutumunun 30 faizdən aşağı düşməsi də qiymətlərin artmasına səbəb olur. Qaz anbarlarının tutumunun azalması Avropanın beynəlxalq bazarlardan alması lazım olan LNG miqdarını artırır.
