Hörmüz boğazının bağlanması səbəbindən Asiya bazarlarında səhmlər kəskin ucuzlaşıb.
Publika.az “Al Jazeera”yə istinadən xəbər verir ki, ən böyük itkilər Seulda qeydə alınıb.
Sessiya bazarın 12 faiz düşməsi ilə başa çatıb ki, bu da tarixdə ən böyük enişdir.
İki gün ərzində əsas indeks dəyərinin 18 faizindən çoxunu itirib, milli valyuta isə son 17 ilin ən aşağı səviyyəsinə enib.
Yaponiyanın Nikkei indeksi 3,9 faiz, Tayvan səhmləri isə 4,3 faiz azalıb. İnvestorlar son bir neçə ayın ən populyar investisiya istiqamətlərindən biri olan yarımkeçirici istehsalçı şirkətlərin səhmlərini sürətlə satmağa başlayıblar.
