ain.az bildirir, Demokrat.az saytına əsaslanaraq.
Balıq sağlamlıq üçün ən faydalı qidalardan biri hesab olunur. Tərkibindəki vitamin və minerallar insan orqanizminə müsbət təsir göstərir. Lakin bəzi balıq növləri düzgün istehlak edilmədikdə faydadan çox zərər verə bilər.Demokrat.az-ın məlumatına görə balıq yeyərkən yol verilən bəzi xətalar bu faydalı qidanı zəhərə çevirir. Xüsusilə yanlış saxlanılan və ya hazırlanan balıqlar ağır qida zəhərlənmələrinə yol açır. Balıq alarkən və bişirərkən diqqət yetirilməli olan əsas məqam onun təzəliyidir. Bayat balıqlarda vaxt keçdikcə təhlükəli bakteriyalar çoxalmağa başlayır. Belə məhsulları yedikdə qusma, yüksək hərarət və ürəkbulanma kimi hallar qaçılmaz olur. Bu səbəbdən balıq yeməzdən əvvəl onun təzə olduğuna tam əmin olmaq lazımdır.Balıq da toyuq əti kimi çox həssas məhsul sayılır. Otaq temperaturunda uzun müddət qalan balıq sürətlə xarab olur və zərərli mikroorqanizmlərin mənbəyinə çevrilir. Əgər balığı dərhal bişirmək planlaşdırılmırsa, onu ağzı bağlı qabda soyuducuda saxlamaq məsləhətdir. Uzun müddət saxlanılacaqsa, mütləq dondurucu hissəyə qoyulmalıdır.Digər təhlükəli məqam isə çiy və ya az bişmiş balıqlarla bağlıdır. Bəzi yeməklərin tərkibində balıq tam bişirilmədən istifadə edilir. Belə hallarda parazit və bakteriya riski dəfələrlə artır. Sadə görünsə də, bu detallara əməl etmək sağlamlığı qorumaq üçün vacibdir. Təhlükəsiz saxlama və bişirilmə qaydalarına riayət olunduqda balıqdan zəhərlənmə ehtimalı minimuma enir.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
