Premyer Liqa: “Şamaxı” ilə “İmişli”dən qolsuz “sülh”

Bu gün futbol üzrə Azərbaycan çempionatında (Premyer Liqa) 2025/26 mövsümünün 23-cü turunun növbəti oyunları keçirilib.

Arena.az xəbər verir ki, ikinci oyun gününün ilk qarşılaşması Şamaxıda baş tutub.

Burada “Şamaxı” “İmişli”ni qəbul edib. Şamaxı şəhər stadionunda keçirilmiş qarşılaşmanı Vüqar Həsənli idarə edib. Tərəflərin bütün cəhdlərinə baxmayaraq, bu görüşdə qapılara qol vurulmayıb.

Xatırladaq ki, daha öncə keçirilmiş “Karvan” – “Sumqayıt” matçında qalib müəyyənləşməyib – 1:1. “Qarabağ” – “Araz-Naxçıvan” matçı bu gün keçiriləcək. “Zirə” – “Kəpəz” və “Neftçi” – “Turan Tovuz” oyunları sabah, “Sabah” – “Qəbələ” matçı isə martın 10-da təşkil ediləcək.

Premyer Liqa
23-cü tur
8 mart

“Şamaxı” – “İmişli” 0:0
Hakimlər: Vüqar Həsənli, Pərvin Talıbov, Tərlan Talıbzadə, Emin Əliyev.
VAR: Tural Qurbanov.
AVAR: Asiman Əzizli.
Hakim-inspektor: Ceyhun Həşimov.
AFFA nümayəndəsi: Elçin Mehtiyev.
Şamaxı şəhər stadionu, 15:00.

Şamaxı: 1. Rikardo Fernandes (k), 2. Abdulla Rzayev, 82. Rüfət Abbasov, 7. Edqar Adilxanov, 9. Karim Rossi, 10. Andrey Tirkovyanu, 3. Vladislav Veremeyev, 13. Rikardo Apolinario, 4. Sezar Enrike, 44. David Santos, 8. Alfons Msanqa.
Ehtiyat oyunçular: 62. Abdulla Seydəhmədov, 17. Rafael Məhərrəmli, 80. Həbib İsmayılov, 21. Bilal İsmayılov, 27. Emil Süleymanov, 97. Oruc Məmmədov, 48. Ramiz Muradov, 77. Nihat Mehralıyev, 90. Davud Mənsumov, 11. Dioqo Balau, 19. Abdullahi Şuaybu.
Baş məşqçi: Ayxan Abbasov.

İmişli: 33. Andrey Sinenka, 19. Azər Salahlı (k), 5. İdris İnqilablı, 94. Rafael Vyeqas, 10. Nikola Karaklaiç, 29. Edvin Banqera, 14. Ronaldo de Souza, 9. Dioqo Almeyda, 23. Dioqo Rollo, 17. Ezekiel Morqan, 7. Luis Silvestr.
Ehtiyat oyunçular: 1. Hüseynəli Quliyev, 21. Abbas Ağazadə, 97. Xəzər Mahmudov, 44. Həzrət İsayev, 3. Tuncay Yusifli, 30. Xəlil Mürsəlli, 20. Nazim Hüseynov, 79. Dioqo Kardoso.
Baş məşqçi: Xorxe Kaskilya.