Xəstələri 60 manata əl enerjisi ilə "müalicə edən həkim" SAXLANILDI

News365.az xəbər verir ki, məlumatı DİN-in Mətbuat xidmətindən təsdiq ediblər.

Qeyd edək ki, Bakıda yerləşən “Bİ ES VİP” estetik klinikasında xəstələri əl enerjisi ilə "müalicə edən", özbək əsilli, “Bionurun sahibi” kimi tanınan İqbol Soliyev adlı “həkim”in qəbul keçirməsi izdihama səbəb olub. 

Bioenerji və ya enerji terapiyası ilə məşğul olduğunu qeyd edən "həkim" bir xəstəni 60 manata qəbul edib. İqbol Soliyevin qəbuluna çox sayda xəstənin gəldiyi bildirilir.

Klinikdan verilən məlumata görə, İqbol Soliyev sözügedən tibb müəssisəsinin əməkdaşı deyil. O, ikigünlük qəbul keçirib və bundan sonra klinikadan ayrılıb. 

Məlumata görə, İqbol Soliyev vətəni Özbəkistanda xalq təbabəti ilə bağlı qanunvericliyi pozduğuna görə 15 sutka həbs edilib.