G7 ölkələri və hökumət liderlərinin qatıldığı Yaxın Şərqdəki münaqişələrin iqtisadi nəticələri ilə bağlı video konfransdan sonra Avropa İttifaqı (Aİ) Komissiyasının prezidenti Ursula fon der Leyen və Aİ Şurasının prezidenti Antonio Kosta “X”də birgə bəyanat yayıblar.
“İki sahil” yazır ki, bəyanatda İran və Yaxın Şərqdəki narahatedici vəziyyətə koordinasiyalı cavab vermək üçün G7 tərəfdaşları ilə müzakirələrin aparıldığı qeyd edilib və əlavə edilib: "Biz təhlükəsizliyə və qlobal enerji bazarına təsirin minimuma endirilməsinə diqqət yetiririk".
Bəyanatda təcili prioritetin, xüsusən də qlobal iqtisadiyyat üçün vacib olan Hörmüz boğazından enerji axınının davamlılığını təmin etmək olduğu vurğulanıb və Rusiyaya qarşı sanksiyaların yumşaldılmamalı olduğu vurğulanıb və qeyd edilib: "Neft qiymət limiti bazarları sabitləşdirməyə və Rusiyanın gəlirlərini məhdudlaşdırmağa kömək edəcək. Rusiyaya qarşı sanksiyaları yumşaltmağın vaxtı deyil".
Bəyanatda həmçinin münaqişənin eskalasiyasının qarşısını almaq və sabitliyi bərpa etmək üçün regiondakı tərəfdaşlarla sıx əməkdaşlıq barədə razılığa gəlindiyi qeyd olunur və əlavə olunur: "Qlobal enerji təchizatındakı gərginliyi azaltmaq üçün Beynəlxalq Enerji Agentliyinin 400 milyon barel təcili neft ehtiyatını təqdim etmək qərarını alqışlayırıq".
Məhərrəm Ağalaroğlu, “İki sahil”
