Xalqcebhesi portalından verilən məlumata əsasən, ain.az bildirir.
İranın daxili siyasi böhranı fonunda kürd silahlı birləşmələrinin İraqdan İran ərazisinə mümkün hərəkəti Ankara tərəfindən Türkiyənin milli təhlükəsizliyinə birbaşa təhdid kimi qəbul edilir.
Bunu xalqcebhesi.az-a Yaxın Şərq məsələləri üzrə ekspert Vasili Papava deyib.
O, qeyd edib ki, Türkiyənin strateji məqsədi İranın şimal-qərb hissəsində (Türkiyə sərhədinə yaxın) kürd özünüidarəsinin və ya kiçik müstəqil rayonların (kantonların) yaradılmasının qarşısını almaqdır:
"Türkiyə hərbi müdaxiləyə tam hazırdır və İran ərazisində transsərhəd əməliyyatlar keçirmək üçün bütün lazımi resurslara malikdir. Ankaranın planı kürd infrastrukturunu məhv etmək üçün genişmiqyaslı aviasiya və pilotsuz təyyarələrdən istifadəni, lazım gələrsə, “təhlükəsizlik bufer zonası” yaratmaq üçün quru qoşunlarının yeridilməsini nəzərdə tutur.
Bundan əlavə, Ankara İraq Kürdüstanında oradakı arxa bazaların məhv edilməsi və İraq ərazisindən İranda döyüşən kürd qruplarının təchizat üçün istifadəsinin qarşısını almaq üçün İraq Kürdüstanında genişmiqyaslı hərbi əməliyyat keçirməyə hazırdır. Türkiyənin hərbi strategiyası vahid silahlı cəbhənin yaradılmasının qarşısını almaq üçün həm İran, həm də İraq ərazisində kürd qüvvələrinin bloklanmasını və məhv edilməsini nəzərdə tutur".
Papava deyib ki, eyni zamanda, Türkiyə Tehranla koordinasiyalı fəaliyyətə hazırdır, çünki kürd separatizmi hər iki dövlət üçün ümumi ekzistensial çağırışdır. Ankaranın mövqeyi bəllidir: bölgədə silahlı vasitələrlə yeni etnik kvazidövlət qurumları yaratmaq cəhdi Türkiyənin dərhal hərbi reaksiyasına səbəb olacaq.
Cavid
Sonrakı hadisələr barədə daha çox məlumat almaq üçün ain.az saytını izləyin.
