Braziliya millisinin baş məşqçisi Karlo Ançelotti "Budo-Qlimt"in cari mövsümdəki nəticələri haqqında danışıb.
QOL.az "Footmercato"ya istinadən xəbər verir ki, mütəxəssis Norveç təmsilçisini Avropanın ən yaxşısı adlandırıb:
"Hazırda "Budo-Qlimt" Avropanın ən yaxşı komandasıdır. Yalnız nəticələr baxımından deyil. Onlar "Mançester Siti", "Atletiko", "İnter" və "Sportinq" üzərində qələbə qazanıblar. "Budo-Qlimt"in müdafiə oyununu xüsusi vurğulamalıyam".
Qeyd edək ki, "Budo-Qlimt" cari mövsüm Çempionlar Liqasında 1/8 finala qədər irəliləməyi bacarıb. Bu gün komanda 1/8 finalın cavab oyunları çərçivəsində "Sportinq"in qonağı olacaq. İlk matçda "Budo-Qlimt" Portuqaliya təmsilçisinə 3:0 hesabı ilə qalib gəlib.
