Kürdəmir Rayon İcra Hakimiyyəti “Ümumrayon Novruz şənliyinin keçirilməsi və istifadə olunacaq Novruz atributlarının satın alınması” ilə bağlı tender proseduruna yekun vurub.
NOCOMMENT.az xəbər verir ki, satınalma müsabiqəsinin nəticələrinə əsasən, Kürdəmir Rayon İcra Hakimiyyəti ilə “LX Group” Məhdud Məsuliyyətli Cəmiyyəti arasında müqavilə imzalanıb.
Bağlanmış müqavilənin ümumi məbləği 13.530 AZN təşkil edir. Müqavilə şərtlərinə uyğun olaraq, qalib şirkət rayon ərazisində təşkil olunacaq Novruz şənliyinin yüksək səviyyədə keçirilməsini, bayram tədbiri üçün zəruri olan atributların, dekorasiyaların və digər təşkilati materialların təmin edilməsini öhdəsinə götürüb.
