Braziliyanın "Santos" klubu baş məşqçisiz qalıb.
Fanat.Az xəbər verir ki, klubun mətbuat xidməti Xuan Pablo Voyvodanın istefaya göndərildiyini açıqlayıb.
Klubunun açıqlamasında deyilir: "Baş məşqçi Voyvoda və onun məşqçilər heyətindən ayrıldığımızı elan etmək istərdik. Onlara gələcək karyeralarında uğurlar arzulayırıq".
"Santos" bu mövsüm Braziliya liqasında uğursuz seriyalar keçirir. Komanda 7 oyunda cəmi 6 xal qazanıb və turnir cədvəlində 16-cı yerdədir.
Xatırladaq ki, braziliyalı ulduz hücumçu Neymar "Santos"da çıxış edir.
