Yaxın Şərqdəki münaqişə nə qədər uzanırsa, NATO-nun əsas missiyalarına - Ukraynanı dəstəkləməyə və Rusiya ilə potensial müharibəyə hazırlaşmağa ayrılan resurslar bir o qədər tükənir.
Herbiand.az xəbər verir ki, bu barədə "Politico" nəşri yazıb.
Stokholm Beynəlxalq Sülh Araşdırmaları İnstitutunun silahlanma üzrə baş elmi işçisi Piter Vezeman qeyd edib ki, bir neçə həftədən sonra Avropa ölkələri seçim qarşısında qalacaq. Onlar hava hücumundan müdafiə sistemlərinin Körfəz müttəfiqlərinə və ya Ukraynaya yönəltmək barədə qərar verməli olacaqlarlar.
O, İranın dronlarına və raket hücumlarına qarşı müdafiənin Avropa ölkələrini zenit raketlərini xərcləməyə məcbur etdiyini, ehtiyatlarını tükəndirdiyini və NATO-nun hava hücumundan müdafiəni gücləndirmək məqsədinə mane olduğunu qeyd edir. Fransa artıq MICA hava-hava raketlərinin ehtiyatlarının azaldığı barədə xəbərdarlıq edib.
