Demokrat.az portalından alınan məlumata görə, ain.az xəbər verir.
Mətbəxdə ən çox istifadə olunan meyvələrdən alma tez xarab ola bildiyi üçün artıq qalan hissəni dəyərləndirmək vacib sayılır. Bu halda ən əlverişli çıxış yolu kimi dondurma üsulunu göstərilir. Bu üsulla alma aylarla saxlanır və xüsusilə bişirilən yeməklərdə rahat istifadə olunur.Demokrat.az-ın məlumatına görə dondurulmuş alma əridildikdən sonra təzə meyvədəki xırtıldayan quruluşu itirir. Buna görə də onu daha çox smuzi, piroq, kompot və ya alma sousu kimi reseptlərdə istifadə etmək daha uyğun hesab olunur. Hazırlıq mərhələsində almaların qabığı soyulur, tum hissəsi çıxarılır və istifadə məqsədinə görə doğranır.Doğranmış almaların qaralmaması üçün üzərinə limon suyu əlavə edilir. Bu, oksidləşməni ləngidir və rəngi qoruyur. Ardınca dilimlər yağlı kağız sərilmiş sinidə bir-birinə toxunmadan düzülərək dondurucuya yerləşdirilir. Bu mərhələ hissələrin yapışmasının qarşısını alan “şok dondurma” üsulu kimi tanınır.Tam donduqdan sonra alma dilimləri hava keçirməyən qab və ya paketlərə yığılır. İçəridə qalan havanın mümkün qədər çıxarılması vacibdir, bu, “dondurucu yanığı” riskini azaldır və meyvənin keyfiyyətini qoruyur. Bu şəkildə saxlanan almalar 6–9 ay ərzində istifadə üçün yararlı qalır.Dondurulmuş almanın üstün cəhətlərindən biri də odur ki, bir çox halda onu əvvəlcədən əridib gözləməyə ehtiyac olmur. Piroq və ya keks hazırlayarkən dilimləri birbaşa dondurucudan götürüb istifadə etmək mümkündür. Sadəcə nəzərə almaq lazımdır ki, əlavə rütubət səbəbindən bişmə müddəti bir qədər uzana bilər.Aytən
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
