ain.az bildirir, GlobalInfo saytına əsaslanaraq.
Ermənilərin katolikosu II Qareginin Gürcüstana səfərinə icazə verilməməsi narazılıq yaradıb.
Globalinfo.az xəbər verir ki, bu barədə keçmiş Ermənistan xarici işlər naziri Vardan Oskanyan sosial media hesabında paylaşım edib.
O, sözügedən qərarı bütün Ermənistan xalqının ləyaqətinə “təhqir və rüsvayçılıq” adlandırıb:
“Katolikos sadəcə bir fərd deyil, o, xalqımızın mənəvi liderliyini təcəssüm etdirir. Bu çətin anda qardaş kilsənin yanında dayanmağı qadağan etmək, əsrlər boyu davam edən inanca, ənənəyə və erməni və gürcü xalqları və kilsələri arasındakı təbii və dərin əlaqəyə qəsdən zərbə vurmaqdır. Bu addım hakimiyyətin xırda və təhlükəli uzaqgörənliyini ortaya qoyur”, – deyə o bildirib.
Sabiq nazirin fikrincə, Qareginə qoyulan qadağa dövləti, qurumları məhv edən, cəmiyyəti parçalayan və ölkəni zəiflədən hərəkətlər zəncirinin daha bir halqasıdır:
“Taleyimiz bizsiz həll olunur. Öz nüfuzuna əhəmiyyət verməyən, belə bir hökuməti olan bir ölkəni necə ciddiyə ala bilərik? 7 iyun yaxınlaşır. Qəzəbin məsuliyyət tələbinə çevrilməli olduğu an gəlir. Bu utancverici qərar yüzlərlə başqa qərarla yanaşı, vətəndaşların bu hökumətin devrilməsinin lehinə qətiyyətlə səs verməsi üçün daha bir səbəb olacaq”.
Qeyd edək ki, II Qaregin Gürcüstanın Katolikos-Patriarxı II İliyanın dəfn mərasimində iştirakı üçün dəvət alıb. Lakin Tbilisiyə getmək üçün göndərilən müraciət tələbi rədd edilib.
Xatırladaq ki, fevral ayında II Qaregin barəsində Masisatsotn yeparxiyasının keçmiş rəhbəri Gevork Saroyanın dini rütbədən məhrum edilməsi ilə bağlı cinayət işi başlanıb. Bu iş çərçivəsində onun ölkədən çıxışına qadağa qoyulub.
Əliyar Xəlil
Globalinfo.az
Ən son xəbərləri və yenilikləri almaq üçün ain.az saytını izləyin.
