İranda internet bağlantısı artıq 500 saatdan çoxdur demək olar ki, tamamilə yoxdur.
Bizim.Media xəbər verir ki, bu barədə beynəlxalq internet monitorinq xidməti olan "NetBlocks" "X" platformasında məlumat yayıb.
"Artıq 528 saat keçib, İranda 23 gündür internet yoxdur", - deyə paylaşımda bildirilir.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb.
Bizim.Media
