Bizim media saytına istinadən ain.az xəbər verir.
Ermənistan hökuməti on illərdir becərilməyən və sahibləri olmayan torpaqların aktiv fəailiyyət göstərən fermerlərə icarəyə verilməsi ilə bağlı proqram hazırlayacaq.Bizim.Media xəbər verir ki, bunu Ermənistanın Baş naziri Nikol Paşinyan Vardenis rayonunda sakinlərlə görüşdə deyib.O bildirib ki, qanuna uyğun olaraq, torpaq icarələrindən əldə edilən gəlir müəyyən edilmiş hesaba köçürüləcək və sahibi gələrsə, ona ödəniş ediləcək:"Fermerlər torpaq üçün kirayə haqqı ödəyir, biz həmən pulu hesaba yatırırıq və sahibi gəlib mənim torpağımdan niyə istifadə etdiyini soruşanda, biz də deyəcəyik ki, siz ondan istifadə etmədiyiniz üçün onu qanuni istifadə edən birinə vermişik. Budur sizin kirayə pulunuz".Paşinyanın Vardenis sakiniləri ilə dialoqunda mənim diqqətimi çəkən baş nazirin sahibsiz torpaqlarla bağlı həyata keçirmək istədiyi proqramın effektivliyi deyil. Burda diqqət çəlb edən əsas məqam Vardenisdə niyə bu qədər boş qalan torpaq sahaləri və kəndlərin olmasıdır.
Ermənilərin Vardenis dediyi rayon Qərbi Azərbaycanın Göyçə mahalının ən böyük rayonu olan Basarkeçərdir. Bu rayonun 37 kəndindən 30-da azərbaycanlılar, 5-də ermənilər 2-də isə qarışıq əhali yaşayırdı. Basarkeçər rayonu şifahi xalq ədəbiyyatının banilərindən olan Misgin Abdal, Ağ Aşıq, Aşıq Alı, Aşıq Ələsgər, Aşıq Nəcəf və sair mütəfəkkirlərin yurdu olmaqla yanaşı, həm də zəngin kənd təsərüfatı məhsulları ilə də məşhur olub.
Ermənistan SSRİ-nin kənd təsərüfatı məshulları ilə əsasəndə meyvə-tərəvəz, kartof və tütünlə təminatında Basarkeçər rayonu ən məhsuldar və öndə gedən bölgə olubdur. 1988-ci ildə başlayan ermıni separatçılığı Basarkeçər rayonunda da ciddi qarşıdurmalara səbəb oldu. 28 noyabr 1988-ci ildə erməni daşnak terror qrupları Basarkeçər rayonunun Çaxırlı, Qanlı, Kərkibaş, Şişqaya, Zod kəndlərinə basqınlar təşkil etdilər.Bu hücumlar nəticəsində əliyalın əhalidən 34 nəfər döyülərək işgəncə ilə qətlə yetirildi. Sağ qalan əhalinin bir qismi, əsasən uşaqlar, qocalar və qadınlar Azərbaycan SSR-dən göndərilən helikopterlər vasitəsilə çıxarıldı, bir qismi isə dağlarla Gədəbəyə, Kəlbəcərə adlamaq üçün Sarınər, Urumbasar yüksəkliklərindən aşmalı olurlar. Qarda-çovğunda borana düşən qaçqınlardan 12 nəfər donvurmadan həlak oldu.
Beləliklə azərbaycanlılar tam əksəriyyət təşkil etdiyi Basarkeçər rayonu demək olar ki, boşaldıldı. O gündən indiyədək bu rayonda əksər kəndlər düz 38 ildir boşdur. Münbit torpağa sahib ərazilərdə əkin-biçin, meyvə-tərəvəz və kartof istehsalı demək olar ki, minum həddədir.
Azərbaycanda evlərini bu rayonun sakinləri ilə dəyişən ermənilər əziyyət tələb edən kənd təsərüffatı ilə məşğul olmaq istəmədiklərinə görə Basarkeçərə yox, Rusiyaya üz tutdular.Nəticədə bu rayona bitişik 5-6 kənddən başqa digər 30 kənd və qəsəbələr demək olar ki, boşdur. Azərbaycanla sərhəddə yerləşən kəndlərdə isə yalnız hərbiçilər yerləşir. Buna görə Paşinyan Vardenisdə, yəni Basarkeçərdə olarkən bəyan etdi ki, boş torpaq sahələri icarəyə veriləcək.
Bu gün Ermənistanda demoqrafik vəziyyət faciəvi həddədir. Ermənistanda ermənilər sürətlə azalır. Vaxtilə 2 milyon yarım əhalisi olan ölkədə indi heç bir milyon yarım adam qalmayıb. Onların da əksəriyyəti xaricə qaçmağa fürsət axtarır.
Belə bir vəziyyətdə Paşinyanın Göyçə mahalında azərbaycanlılar məxsus torpaqları hansısa erməni fermerə icarəyə verəcəyi də sual altındadır. Ən yaxşı çıxış yolu bu əraziləri göyçəlilərin özünə qaytarmaqdır.
Bizim.Media
Daha ətraflı məlumat və yeniliklər üçün ain.az saytını izləyin.
