"OpenAI" yaxın illər üçün işçi sayını əhəmiyyətli dərəcədə artırmağı planlaşdırır.
Ölkə.Az-ın “Financial Times”a istinadən məlumatına görə, şirkət hazırda təxminən 4 500 nəfər olan əməkdaş sayını 2026-cı ilin sonuna qədər 8 000 nəfərə çatdırmağı hədəfləyir.
Bildirilir ki, yeni işə qəbullar mühəndislik, araşdırma, məhsulun inkişafı, satış və şirkətlərə süni intellekt inteqrasiyası ilə bağlı texniki sahələri əhatə edəcək. Məqsəd rəqabətdə öndə qalmaq və süni intellektin inkişafı proseslərini daha da gücləndirməkdir.
