Azpolitika.az portalından verilən məlumata əsasən, ain.az bildirir.
İrandakı müharibə iyun ayına qədər uzanarsa və Hörmüz boğazı Tehranın nəzarəti altında qalarsa, neftin qiyməti rekord həddə - barrel üçün 200 dollara çata bilər.
“AzPolitika” xəbər verir ki, bu barədə “Bloomberg” agentliyi nüfuzlu ekspertlərə istinadla məlumat yayıb.
“Macquarie Group Ltd.” investisiya şirkəti uzunmüddətli münaqişənin yüksək real qiymətlərə səbəb olacağını qeyd edib. Analitiklər bu ssenarinin ehtimalını 40% olaraq qiymətləndirirlər.
60% ehtimalla alternativ proqnoz müharibənin daha tez başa çata biləcəyini göstərir.
Hesabatda deyilir: "ABŞ, İsrail və İran arasındakı müharibə neft hasil edən Yaxın Şərqi sarsıtdığı üçün Brent markalı neftin qiyməti mart ayında rekord aylıq artım göstərəcək. Münaqişə Tehranın Hörmüz boğazını demək olar ki, tamamilə bağlamasına, boğaza nəzarət etməsinə və qlobal iqtisadiyyat üçün vacib olan enerji axınlarını ciddi şəkildə məhdudlaşdırmasına səbəb olub".
Analitiklərin hesabatına görə, boğaz uzun müddət bağlı qalarsa, qiymətlər tarixi maksimumlara qalxacaq.
Qeyd edək ki, dünən ABŞ Prezidenti Donald Tramp İranın enerji obyektlərinə zərbələri 10 günlük təxirə saldı. Bu arada, Tehran "xoş niyyət jesti olaraq" boğazdan on neft tankerinin keçməsinə icazə verdi.
Analitiklərin qeyd etdiyi kimi, müharibədən əvvəl bu su yolundan gündə təxminən 15 milyon barel xam neft və 5 milyon barel neft məhsulları keçirdi.
“AzPolitika.info”
Daha ətraflı məlumat və yeniliklər üçün ain.az saytını izləyin.
