Idman.biz portalından əldə olunan məlumata əsasən, ain.az xəbər verir.
Fransalı “Red Bull” pilotu İsak Hacar Yaponiya Qran-prisindən sonra komandasının əsas problemi barədə danışıb.
İdman.Biz bildirir ki, fransız yarışı 12-ci yerdə başa vurub.
“Yeganə müsbət cəhət odur ki, biz avtomobildən maksimum dərəcədə istifadə edə bilirik. Amma onu necə həqiqətən sürətli edəcəyimizi bilmirik. Yaxşı mühərrikimiz var, hər şey qaydasındadır. Problem şassidədir - sadəcə dəhşətlidir, avtomobil döngələrdə yavaşdır”, - “Planet F1” Hacardan sitat gətirib.
Onun komanda yoldaşı, dördqat “Formula-1” çempionu Maks Ferstappen yekun sıralamada səkkizinci yeri tutub. Mövsümün üç turundan sonra “Red Bull” 16 xalla Konstruktorlar Çempionatında altıncı yerdədir.
İdman.Biz
Ən son xəbərləri və yenilikləri almaq üçün ain.az saytını izləyin.
