ain.az, Konkret.az saytına istinadən bildirir.
Masallı rayonunda evdə baş verən yanğın nəticəsində baba və nəvəsi ölüb.
KONKRET.az-ın xəbərinə görə, hadisə Qızılağac kəndində qeydə alınıb.
Təxminən 200 kvadratmetrlik evdə başlayan yanğın qısa müddətdə genişlənib və nəticədə 1967-ci il təvəllüdlü Abdullayev Camələddin Həsənağa oğlu və onun 2 yaşlı nəvəsi Məmmədzadə Məhərrəm Mehman oğlu ölüb.
Hadisə yerinə dərhal Fövqəladə Hallar Nazirliyinin yanğından mühafizə bölmələri cəlb olunub, yanğın sonradan söndürülüb. Yanğın yerinin kəşfiyyatı zamanı hər iki şəxsin yanmış meyiti aşkar edilərək aidiyyəti üzrə təhvil verilib.
Masallı Rayon İcra Hakimiyyətinin başçısı Araz Əhmədov və hüquq-mühafizə orqanlarının rəhbərləri hadisə yerinə gələrək vəziyyətlə tanış olublar.
Hazırda yanğının başvermə səbəbləri araşdırılır.
Sonrakı hadisələr barədə daha çox məlumat almaq üçün ain.az saytını izləyin.
